Studegiar rumantsch a Friburg

Il rumantsch dat in accent spezial a tes studi e fa tes profil singular ed attractiv.

Instruir ed intermediar

• Scolas en il Grischun dovran persunas qualifitgadas che dattan vinavant lur savida ed al rumantsch sia plazza.
• Medias rumantschas sco RTR ubain la FMR porschan plazzas interessantas, en stgomi cun il public da tia regiun.
• Per promover la lingua e cultura dovran la Confederaziun, il chantun e la Lia Rumantscha persunas che san rumantsch e ch’enconuschan las pussaivladads da muventar e motivar.

Nus purschain…

... in studi da lingua e litteratura che sensibilisescha a la ritgezza e diversitad dal mund rumantsch e che animescha da scuvrir tes ed ils auters idioms

... inputs relevants per studegiar ils temas che t’interessan e far lavur da pionier

... in ambient da discussiun stimulant davart dumondas brisantas da la Rumantschia

... diploms exclusivs (scolast:a secundar:a) ed attractivs

Pertge studegiar gist a Friburg?

• In’universitad survesaivla cun in accumpagnament persunal
• In’universitad al cunfin linguistic che porscha blers roms da studi en tudestg e permetta a medem temp il contact cun il franzos e bleras autras linguas
• Ina citad pitschna ed attractiva, betg memia chara, cun ina ritga vita studentica